gov lk large

 

ණය ඒකඟතා 2018.01.01-2018.12.31

ප්‍රදාන ඒකඟතා 2018.01.01-2018.12.31

රාජ්‍ය ව්‍යාපාර එකඟතා 2018.01.01-2018.12.31

 විදේශ මූල්‍යයන එකඟතා 2018

රාජ්‍ය ආයෝජන වැඩසටහන මගින්  විස්තර කෙරෙන පරිදි රජයේ ණය කළමනාකරණ ඉලක්ක හා මධ්‍යකාලීන මූල්‍ය ප‍්‍රතිපත්ති රාමුව මගින් හඳුනාගත් රාජ්‍ය ආයෝජන මූල්‍යයනයෙහිලා 2018 වර්ෂයේ දී ඇ.එ.ජ.ඩොලර් මිලියන 4,741.6ක් සම්පාදනය කරගැනීම  වෙනුවෙන් රජය විදේශ සංවර්ධන පාර්ශ්වකරුවන් සමග මූල්‍යයන ගිවිසුම් 41ක්  ඇතිකරගන්නා ලදී. මෙම ප‍්‍රමාණය ගිවිසුම් 37ක් මගින් ඇතිකරගත් ඇ.එ.ජ.ඩො. මිලියන 1,241.6ක් වන නිල සංවර්ධන සහයෝගීතා මූල්‍යයන එකඟතා හා ඇ.එ.ජ.ඩො. මිලියන 3,500කින් යුත් ප‍්‍රාග්ධන වෙළෙඳපොළ ණයවලින් සමන්විත වේ. වර්ෂයේ නිල සංවර්ධන සහයෝගීතා ලෙස ලබාගත් මූල්‍යයන ප‍්‍රමාණයෙන් ඇ.එ.ජ.ඩොලර් මිලියන 1,108.7ක් ණය එකඟතා ගිවිසුම් 25ක් මගින් සම්පාදනය කරගන්නා ලද අතර, ඉතිරිය වන ඇ.එ.ජ.ඩොලර් මිලියන 132.9ක් ප‍්‍රදාන එකඟතා ගිවිසුම් 14ක් මගින් සම්පාදනය කරගෙන ඇත. නිල සංවර්ධන සහයෝගීතා ලෙස එකඟතා පළකරන ලද විදේශ මූල්‍යයන්ට අමතරව, ඇ.එ.ජ.ඩොලර් මිලියන 2,500.0ක ජාත්‍යන්තර ස්වෛරීත්ව බැඳුම්කර නිකුතුවක් මගින් ද ඇ.එ.ජ.ඩොලර් මිලියන 1,000.0ක විදේශ මූල්‍යයන කාලීන මූල්‍ය පහසුකම් ණයක් මගින් ද 2018 වර්ෂයේ දී විදේශ අරමුදල් සම්පාදනය කරගෙන ඇත.

2018 වර්ෂයේදී නිල සංවර්ධන සහයෝගිතා ලෙස ලබාගත් එකඟතාවලින් ඉහළම ප‍්‍රමාණයන් පිළිවෙලින් ආසියානු සංවර්ධන බැංකුව, චීනය, ලෝක බැංකුව සහ , ජපානය මගින් සිදුකර ඇත. මෙම එකඟතා එළඹෙන වර්ෂ 3-4 කදී ප‍්‍රධාන වශයෙන් අධ්‍යාපනය හා පුහුණු, පරිසරය, සෞඛ්‍ය හා සනීපාරක්ෂාව යන සමාජ යටිතල පහසුකම් අංශයන්හි උපයෝජනය වීමට නියමිතය.

 

 

 

 

 

 

FaLang translation system by Faboba